السلام عليكم ورحمة الله

[متعب محارب الشويب]

عبدالله الميزاني مع ملفي المورقي

عبدالله الميزاني





مرحبا عند ربع يزبنون الدخيل

عزوة تنطح العدوان وتضيمها

ياالله انك تديم افراحنا كل ليـل

قبل لا تاقف الساعه على تيمها



ملفي المورقي




البقاء عن رجال يكسبون الجميل

والتعاليم توخـذ مـن تعاليمهـا

جارنا الله من الاقدار وقت طويل

والمشاكل يزيح عن العرب غيمها



عبدالله الميزاني




ياهل السيل يالي شربكم سلسبيـل

ويلكم من عذاب النار وجحيمهـا

طبع الانسان مايخلق لك المستحيل

ماتعـز الرجـال الا بتكريمـهـا



ملفي المورقي




خابرن جنة خضراء وظلن ظليـل

نعمـة تنعـم الاجـواد بنعيمـهـا

يتعب الرجل لين انه يضوي حصيل

مايطاوع هـوى نفسـه وتوهيمهـا



عبدالله الميزاني




هل مزاجك من الكافور والزنجبيل

بيـن تأخيـرة الدنيـا وتقديمهـا

أوزن الكيل بالمكيال يالـي تكيـل

لاتزعـل معازيبـك معازيمـهـا



ملفي المورقي




حجتك حجة بيضاء وعندك دليل

مار الاعمال دايم في خواتيمها

مافقدنا كثير ولافقدتـوا قليـل

والعلوم المباحه ليش تحريمهـا



عبدالله الميزاني




أنت نرضيك بالواقع ومن ها القبيل

بس سيب هل البصره وتنجيمهـا

لا تولـع فتيـل ولا نولـع فتيـل

والمخيله رعدهـا سابقـن ديمهـا



ملفي المورقي




قتمة عن عباد الله عساهـا تزيـل

أزعجتنا يابن ميـزان بوحيمهـا

الامانه على المخلوق حمل ثقيـل

قلت لك سينها واعجل على جيمها



انتهى الطاروق الاول

منقووووووووووول

[متعب صقر]

السلام عليكم ورحمة الله وبركاته

بيض الله وجهك

يابومحارب






مرحبا عند ربع يزبنون الدخيل =عزوة تنطح العدوان وتضيمها

ياالله انك تديم افراحنا كل ليـل =قبل لا تاقف الساعه على تيمها

[علي مضيان العنزي]

يعطيك العافية اخوي متعب

[سلطان الشويب]

ياعمر صيتك رايحٍ من ورا الشام=واللي ورا صنعاء وكل الجزيـره
مطير مايمشـون حافيـن الأقـدام=شجعان لاغـارة عليهـم مغيـره
لامنهم قالوا تـرى الـدرب قـدام=عن ضدهم ما يذخرون الذخيـره
الى أعتزوا بجدادهم هم والأعمـام=صارت كبيرتهم عليهـم صغيـره
مركاضهم يشبع به الطير لاحـام=من ضدهم تروى السيوف الشطيره
من قبل ما يكتب لنا الميم والـلام=حنا نعرف مطير في كـل ديـره
تاريخهم يشهد له السـام والحـام=من قبل ما تضفي علينا البصيـره
أفعالهم جت بالجرايـد والأعـلام=غصبٍ على كل الوجيه الشريـره
معهم لنا ربع عزيزيـن وحشـام=جبلان لاصـاح النذيـر لنذيـره
متخيرينٍ قسمهـم يـوم الأقسـام=ما يشحذون الناس يـوم الكسيـره
قوم الدويش اللي للأضـداد لطـام=ما منهم اللـي مايجـي يستشيـره
وصلوا على اللي قاد الأمه لاسلام=اللـي بيـوم حسابنـا نستجيـره

اشــــــــكــــــرك جزيل الشكر ابو محارب

[متعب محارب الشويب]

الاخ ابوصقر وابو مضيان وسلطان يشرفني مررررررررررررروركم

[مشعل الشويب]

«®°·.¸.•°°·.¸¸.•°°·.¸.•°®»ياهل السيل يالي شربكم سلسبيـل

ويلكم من عذاب النار وجحيمهـا

طبع الانسان مايخلق لك المستحيل

ماتعـز الرجـال الا بتكريمـهـا

مشكور ابو محارب على الموضوع «®°·.¸.•°°·.¸¸.•°°·.¸.•°®»

[الهوى الغايب]

يعطيك الف عافيه اخوي متعب

[بعيد الهقاوي]

مرحبا عند ربع يزبنون الدخيل

عزوة تنطح العدوان وتضيمها

ياالله انك تديم افراحنا كل ليـل

قبل لا تاقف الساعه على تيمها
ــــــــــــــــــــــــــــــــــــــــ ــــــــــــــــــــــــــــــــــــــــ

مشكووور على النقل الجميل و ولمميز


تقبل مروري


اخوك ابن محيله