درب الخطر

[ابومشاري]

االسلام عليكم ورحمة الله وبركاته

قصيدة للتواجد فقط ، ارجوا ان ترتقي لذائقتكم الشعرية






اسج رجلي على درب الخطر سجي = لو ان بعض الدروب يضيق ممشاها
اساير دروبها مع بحرها اللجي = وسبع البحور ان تلاطم موجها انصاها
ماتثني عزومي الاميال والفجي = عال المراقيب والله لااتعلاها
كله على شان من فج النحر فجي = بخنجرٍ ماتونا من عطاناها
خنجر سهوم العيون الناعسه خجي = صميم قلبي وعيني سبلت ماها
واقفت وعج الغبن في داخلي عجي = ماغير اهوجس بطاريها وحلياها
وعقب الفراق الذي رجي الحشا رجي = اعلنت ياسي وعيني ماتناساها
ولاحل طاري غلاها اغيب واهجي = وانصى فجوج الخلا لجل اني انساها
واهمي اللي تزاحم كنه العجي = غربية(ن) دمت اقصاها على ادناها
والا كما غينةٍ فيها الرعد لجي= صيفية(ن) ترهب عيونٍ تحلاها
والراس من فيض هم القلب توجي = تاج الهموم الله الرحمن يجلاها
يالله تغفر ذنوب اللي نوى الحجي = وتجلا سهر عينه اللي طال واعماها






شعر : نايف بن سند الميموني

[نواف محمد الشويب]

ياسلام ياسلام يابو مشاري

إبداع لحد الإمتاع


لله دررك


شاعر مبدع وشهادتي فيك مجروحه يالغالي



يشرفني أن أكون أول المتواجدين هنا



دمت شامخا كما عهدتك

بارك الله فيك ..

[ثامرالشويب]

الله الله
صح صح السانك مليووون ولا يكفووون يابو مشاري ..

قصيده جزله من شاعر جزل وشهادتي فيك مجروحه يالغالي ..
دائما مبدع بطرحك شاعر جزل ولك اسلوبك الخاص وشهادتي فيك مجروحه..

بانتظار نزف قلمك المبدع ..
دمت بود ..

[آحــسـآس]

صح لسانك اخوي ويعطيك الف عافيه

[غنج مطير]

صح لســآنك وإعتلآ شــآنك آخوي بو مشآري..
روووعه روووعة ..
لآخلينـآ من هآلآبداع..

[مزبن الجاني]

صح كلك مدى الحياااااااااااااااه يالجزل

سجل اعجابي بك بكل قناعه